18495 ۔۔۔ حضور اکرم (صلی اللہ علیہ وآلہ وسلم) جب کسی کے گھر کے دروازے پر تشریف لاتے تو دروازے کے روبرو نہ کھڑے ہوتے تھے بلکہ چوکھٹ کے دائیں یا بائیں جانب رک جاتے اور (نکلنے والے کو) السلام علیکم السلام علیکم کہتے ۔ (مسند احمد ، ابو داؤد عن عبداللہ بن یسر) کلام : ۔۔۔ ابوداؤد (رح) نے اس کو کتاب الادب باب کم مرۃ یسلم الرجل فی الاستئذان 5164 پر تخریج فرمایا اور امام منذری (رح) فرماتے ہیں اس کی سند میں بقیہ بن الولید ایک روای ہے جس کے بارے میں کلام کیا گیا ہے۔ (عون 14 ۔ 90)