18501 ۔۔۔ حضور اکرم (صلی اللہ علیہ وآلہ وسلم) کپڑے کے ساتھ عورتوں سے مصافحہ کرتے تھے ۔ (الاوسط عن معقل بن یسار) فائدہ : ۔۔۔ فداہ ابی وامی حضور اکرم (صلی اللہ علیہ وآلہ وسلم) نے کبھی کسی نامحرم عورت کو نہیں چھوا۔ اور اس روایت کا مطلب ہے کہ آپ (صلی اللہ علیہ وآلہ وسلم) پردہ کی آڑ میں ایک کپڑے کا سرا عورتیں پکڑ لیتی تھی اور دوسرا سرا حضور اکرم (صلی اللہ علیہ وآلہ وسلم) تھام لیتے تھے یوں آپ عورتوں سے بیعت کرتے اور ان سے قول وقرار لیتے تھے ۔