18555 ۔۔۔ حضرت انس (رض) سے مروی ہے کہ حضور اکرم (صلی اللہ علیہ وآلہ وسلم) لوگوں میں سب سے زیادہ خوبصورت ڈھانچے والے تھے ، سب سے زیادہ خوبصورت چہرے والے تھے ، سب سے زیادہ اچھے رنگ والے تھے ، سب سے زیادہ اچھی خوشبو والے تھے اور سب سے زیادہ اچھی ہتھیلی والے تھے ۔ آپ کے (جمہ) بال کانوں کی لو تک تھے ۔ پھر حضرت انس (رض) نے اپنے رخساروں پر ہاتھ پھیرتے ہوئے فرمایا آپ کی ڈاڑھی یہاں سے یہاں تک بھری ہوئی تھی ، جب چلتے تھے آگے کو کسی قدر جھک کر چلتے تھے ۔ درمیانے قدوقامت کے مالک تھے ، نہ بالکل لمبے تھے اور نہ بالکل کوتاہ قد، آپ کی سفید رنگت مائل بہ گندمی تھی ۔ (رواہ ابن عساکر)