18574 ۔۔۔ حضرت عائشہ (رض) سے مروی ہے کہ رسول اللہ (صلی اللہ علیہ وآلہ وسلم) (ساری ساری رات عبادت میں) کھڑے رہتے تھے حتی کہ قرآن نازل ہوگیا ۔ فائدہ : ۔۔۔ سورة مزمل نازل ہوئی تو اس میں آپ کو رات کو عبادت میں کھڑے ہونے کا حکم دیا گیا تھا سوائے کچھ حصہ آرام کرنے کے ۔ پھر آپ اس قدر نماز نفل نماز میں کھڑے رہتے کہ آپ کے پاؤں مبارک ورما جاتے تھے ، پھر سورة طہ نازل ہوئی جس میں آپ کو کہا گیا کہ قرآن اس لیے نازل نہیں ہوا کہ آپ مشقت میں پڑجائیں ۔ پھر آپ نے رات کی عبادت میں کچھ تخفیف فرمائی ۔ (رواہ نسائی)