18602 ۔۔۔ حضرت حسن (رح) سے مروی ہے کہ سیدنا حضرت عمر ابن خطاب (رض) حضور اکرم (صلی اللہ علیہ وآلہ وسلم) کے پاس داخل ہوئے ۔ آپ (صلی اللہ علیہ وآلہ وسلم) کو چٹائی یا تخت پر لیٹادیکھا جس کے اثرات آپ کے جسم پر نمایاں نظر آرہے تھے ۔ کمرے میں جانور کی کھال دباغت میں پڑی ہوئی تھی ، سیدنا حضرت عمر ابن خطاب (رض) رو پڑے ۔ حضور اکرم (صلی اللہ علیہ وآلہ وسلم) نے فرمایا : اے عمر ! کیوں رو رہے ہو ؟ سیدنا حضرت عمر ابن خطاب (رض) نے عرض کیا : آپ اللہ کے نبی ہیں۔ جب کہ قیصر و کسری (شاہان روم وفارس) سونے کے تختوں پر آرام کرتے ہیں۔ حضور اکرم (صلی اللہ علیہ وآلہ وسلم) نے ارشاد فرمایا : اے عمر ! کیا تم اس بات پر راضی نہیں ہو کہ ان کے لیے دنیا ہو اور ہمارے لیے آخرت ۔ (رواہ ابن سعد)