18610 ۔۔۔ حضرت عائشۃ صدیقہ (رض) سے مروی ہے کہ ہم ایک چاند دیکھتے پھر دوسرا چاند دیکھتے پھر تیسرا چاند بھی دیکھ لیتے اور دو دو مہینے بسر ہوجاتے اور رسول اللہ (صلی اللہ علیہ وآلہ وسلم) کے گھر میں آگ نہ جلتی تھی ، حضرت عروہ (رض) نے عرض کیا : خالہ ! پھر آپ کس چیز پر زندہ رہتی تھیں ؟ فرمایا : ہمارے پڑوسی تھے ، انصار ! اور وہ بہترین پڑوسی تھے ۔ ان کے پاس دودھ والی بکریاں ہوتی تھیں وہ ان کا دودھ حضور اکرم (صلی اللہ علیہ وآلہ وسلم) کو بھیج دیا کرتے تھے ۔ (ابن جریر)