18624 ۔۔۔ حضرت عائشۃ صدیقہ (رض) سے مروی ہے کہ رسول اللہ (صلی اللہ علیہ وآلہ وسلم) کے پاس دو موٹی کسی قدر سرخ چادریں تھیں جب حضور اکرم (صلی اللہ علیہ وآلہ وسلم) دونوں میں ملبوس ہو کر بیٹھتے تو چادروں کا بوجھ محسوس کرتے تھے ۔ ایک مرتبہ فلاں یہودی شام سے بز (ریشم) کا کپڑا لے کر آیا ۔ حضرت عائشۃ صدیقہ (رض) نے آپ (صلی اللہ علیہ وآلہ وسلم) سے عرض کیا : آپ کسی کو بھیج کر اس سے دسو کپڑے خرید لیں اس شرط پر کہ جب سہولت ہوگی قیمت ادا کردیں گے ۔ حضور اکرم (صلی اللہ علیہ وآلہ وسلم) نے کسی کو اس کام کے لیے بھیج دیا ۔ یہودی بولا : مجھے معلوم ہے تم کیا چاہتے ہو ؟ تم یہ کپڑے یا کہا میرا مال لے کر بھاگنا چاہتے ہو ۔ حضور اکرم (صلی اللہ علیہ وآلہ وسلم) نے (یہ سن کر) فرمایا : وہ جھوٹ بولتا ہے ، وہ بخوبی جانتا ہے کہ میں ان میں سب سے زیادہ اللہ سے ڈرنے والا ہوں اور سب سے زیادہ امانت ادا کرنے والا ہوں ۔ (نسائی ، ابن عساکر)