18634 ۔۔۔ ابو قلابہ سیدنا حضرت علی المرتضی (رض) سے روایت کرت ہیں۔ سیدنا حضرت علی المرتضی (رض) فرماتے ہیں : میں رسول اللہ (صلی اللہ علیہ وآلہ وسلم) سے مدینہ کے راستے میں دوپہر کے وقت ملا۔ میں نے غرض کیا : میرے ماں باپ آپ پر قربان ہوں ، اس وقت (کڑی دوپہر میں) کس چیز نے آپ کو باہر نکالا ہے ؟ آپ (صلی اللہ علیہ وآلہ وسلم) نے ارشاد فرمایا : اے علی : مجھے بھوک نے تنگ کیا ہے۔ میں نے عرض کیا : یا رسول اللہ ! میرے ماں باپ آپ پر قربان ہوں ، کیا آپ انتظار کرسکتے ہیں جب تک کہ میں واپس آؤں ۔ چنانچہ حضور اکرم (صلی اللہ علیہ وآلہ وسلم) ایک دیوار کے سائے میں بیٹھ گئے ۔ میں مدینے میں ایک شخص کے پاس آیا جس نے کھجور کے چھوٹے چھوٹے پودے لگائے تھے ۔ میں نے اس سے بات کی کہ میں ان پودوں میں ایک ایک مٹکا پانی دیتا ہوں تم مجھے ہر مٹکے کے عوض ایک کھجور دو لیکن وہ کھجور نہ خشک سوکھی ہوئی ہو یا بغیر گٹھلی کے ہو اور نہ گندی اور ردی ہو ۔ جب بھی میں ایک مٹکا پانی ڈالتا وہ ایک کھجور نکال کر رکھ دیتا ۔ حتی کہ ایک مٹھی کھجوروں کی جمع ہوگئی ۔ پھر میں نے اس سے پوچھا : کیا تم مجھے گندنے (ترکاری) کی ایک مٹھی دو گئے ؟ اس نے مجھے دے دی ، پھر میں نبی کریم (صلی اللہ علیہ وآلہ وسلم) کے پاس حاضر ہوا ۔ ٓپ (رض) (اسی جگہ) تشریف فرما تھے ۔ آپ نے اپنے کپڑے کا ایک حصہ بچھا دیا میں نے وہ کھجوریں اس پر رکھ دیں ، آپ (صلی اللہ علیہ وآلہ وسلم) نے وہ کھجوریں تناول فرمائیں پھر فرمایا : تم نے میری بھوک مٹائی اللہ تمہاری بھوک مٹائے ۔ (الحافظ ابو الفتح ابن ابی الفوارس فی الافراد)