18667 ۔۔۔ (مسند صدیق (رض)) سیدنا حضرت ابوبکر صدیق (رض) سے مروی ہے کہ حضور اکرم (صلی اللہ علیہ وآلہ وسلم) ایک جگہ اترے اور پڑاؤ ڈالا۔ وہاں کی ایک عورت نے اپنے بیٹے کے ساتھ اپنی بکری دودھ دوہنے کے لیے بھیجی ، آپ (صلی اللہ علیہ وآلہ وسلم) نے دودھ دوہا ۔ پھر لڑکے کو وہ دودھ دے کر فرمایا : اس کو اپنی ماں کے پاس لے جاؤ، چنانچہ اس کی ماں نے وہ دودھ پیا اور سیراب ہوگئی پھر وہ لڑکا دوسری بکری آپ (صلی اللہ علیہ وآلہ وسلم) کے پاس لایا ۔ آپ (صلی اللہ علیہ وآلہ وسلم) نے اس کا دودھ بھی نکالا اور پھر اس کو نوش فرمایا پھر ابوبکر کو پلایا ۔ لڑکا پھر ایک اور بکری لے آیا ۔ آپ (صلی اللہ علیہ وآلہ وسلم) نے اس کا دودھ نکالا اور نوش فرمایا (مسند ابی یعلی)