18679 ۔۔۔ عنسبہ بن الازہر ، ابو الاسود نہدی سے اور وہ اپنے والد سے روایت کرتے ہیں کہ رسول اللہ (صلی اللہ علیہ وآلہ وسلم) غار حراء میں گئے تو آپ کی پاؤں والی کسی انگلی میں کوئی چوٹ آئی ، آپ نے انگلی کو مخاطب ہو کر فرمایا : ” ھل انت الا اصبع دمیت وفی سبیل اللہ مالقیت : تو ایک انگلی ہی تو ہے جو خون آلود ہوگئی اور اللہ کے راستے میں تجھے یہ تکلیف پیش آئی ہے۔ (البغوی ، ابن مندہ ، ابو نعیم) ابو نعیم (رح) فرماتے ہیں صحیح سند وہ ہے جو ثوری ، شعبہ ، ابن عیینہ وغیرہ نے عن الاسود بن قیس عن جندب الجبلی کے ساتھ روایت کی ۔