18709 ۔۔۔ حضرت ابوہریرہ (رض) سے مروی ہے کہ ہم لوگ صبح کے وقت رسول اللہ (صلی اللہ علیہ وآلہ وسلم) کے ساتھ مسجد میں بیٹھے رہتے تھے ، جب رسول اللہ (صلی اللہ علیہ وآلہ وسلم) اٹھ کر کھڑے ہوجاتے تو ہم بھی آپ کے ساتھ کھڑے ہوجاتے اور جب تک رسول اللہ (صلی اللہ علیہ وآلہ وسلم) اپنے گھر میں داخل نہ ہوجاتے ہم کھڑے ہی رہتے ۔ یونہی ایک دن آپ (صلی اللہ علیہ وآلہ وسلم) اٹھے تو ابھی مسجد کے درمیان تک ہی پہنچے تھے کہ ایک اعرابی آپ کو آملا ۔ بولا : اے محمد ! مجھے دو اونٹ دیجئے ، کیونکہ یہ آپ اپنے مال سے دیتے ہو اور نہ اپنے باپ کے مال سے ۔ ساتھ میں وہ اعرابی آپ کو چادر سے پکڑ کر (بدتمیزی کے ساتھ) کھینچنے لگا ۔ حتی کہ (چادر آپ کے گلے میں بل کھا گئی اور) آپ کی گردن سرخ ہوگئی ۔ رسول اللہ (صلی اللہ علیہ وآلہ وسلم) نے تین بار ارشاد فرمایا : نہیں ، میں اللہ سے مغفرت مانگتا ہوں اور میں تمہاری یہ خواہش پوری نہیں کروں گا جب تک تم مجھے باندھ نہیں لوگے ۔ (یعنی تم جس قدر بدتمیزی زیادہ کرلو میں پھر بھی تم کو ڈانٹ ڈپٹ نہیں کروں گا بلکہ تمہاری بات پوری کروں گا) پھر آپ (صلی اللہ علیہ وآلہ وسلم) نے ایک آدمی کو بلایا اور اس کو فرمایا : اس آدمی کو دو اونٹ دے دو ۔ ایک جو سے لدا ہوا ہو اور ایک کھجور سے ۔ (ابن جریر) ۔