18724 ۔۔۔ حضرت حسن (رض) سے مروی ہے کہ دومۃ الجندل کے بڑے سردار اکیدر نے حضور (صلی اللہ علیہ وآلہ وسلم) کو ایک مٹکا ہدیہ بھیجا جس میں من تھا ۔ اور اس دن اللہ کے بنی (صلی اللہ علیہ وآلہ وسلم) اور آپ کے اہل خانہ کو اس کی سخت حاجت بھی تھی۔ لیکن آپ نے نماز پڑھ کر لوگوں کا بلانے کا حکم دیا ۔ پھر وہ مٹکا سب کے سامنے ایک ایک کر کے پیش کیا گیا ۔ ہر آدمی اپنا ہاتھ ڈال کر اس سے نکالتا اور کھاتا ۔ جب حضرت خالد بن ولید کی باری آئی تو انھوں نے بھی ہاتھ ڈالا اور کھایا انھوں نے عرض کیا یا رسول اللہ (صلی اللہ علیہ وآلہ وسلم) سب نے ایک ایک بار کھایا اور میں نے دو متربہ نکالا ہے۔ آپ (صلی اللہ علیہ وآلہ وسلم) نے فرمایا : خود بھی کھاؤ اور اپنے گھر والوں کو بھی کھلاؤ ۔ رواہ ابن جریر)