18735 ۔۔۔ ابن جریج سے مروی ہے کہ میرے والد (رض) فرماتے ہیں : حضور اکرم (صلی اللہ علیہ وآلہ وسلم) کے صحابہ کرام رضوان اللہ تعالیٰ عنہم اجمعین کو یہ بات ذہن میں نہ آرہی تھی کہ حضور اکرم (صلی اللہ علیہ وآلہ وسلم) کو کہاں دفن کریں ؟ حتی کہ سیدنا حضرت ابوبکر صدیق (رض) نے فرمایا : میں نے حضور اکرم (صلی اللہ علیہ وآلہ وسلم) کو ارشاد فرماتے ہوئے سنا ہے نبی کی قبر وہیں بنتی ہے جہاں وہ مرتا ہے ، چنانچہ پھر آپ (صلی اللہ علیہ وآلہ وسلم) کا بستر (جس پر آپ وفات کے بعد آرام فرما تھے) وہاں سے ہٹایا گیا اور اسی بستر کی جگہ قبر کھودی گئی۔ (عبدالرزاق ، مسند احمد) کلام : ۔۔۔ امام ابن حجر (رح) اور امام ابن کثیر (رح) فرماتے ہیں : یہ رواریت منقطع ہے۔