18743 ۔۔۔ ابو سلمہ بن عبدالرحمن اور یحییٰ بن عبدالرحمن بن حاطب (رض) دونوں حضرات فرماتے ہیں کہ سیدنا حضرت ابوبکر صدیق (رض) نے فرمایا ، حضور اکرم (صلی اللہ علیہ وآلہ وسلم) کو کہاں دفن کیا جائے ؟ ایک کہنے والے نے کہا : منبر کے پاس دفن کیا جائے ، کسی نے کہا اس جگہ دفن کیا جائے جہاں کھڑے ہو کر آپ لوگوں کو نماز پڑھاتے تھے ۔ تب سیدنا حضرت ابوبکر صدیق (رض) نے فرمایا : جہاں اللہ پاک نے آپ کی روح قبض فرمائی ہے وہیں آپ کو دفن کیا جائے ، پس وہاں سے بستر ہٹایا گیا اور اس جگہ گڑھا کھودا گیا ۔ (ابن سعد)