18747 ۔۔۔ قاسم بن عبدالرحمن (رض) سے مروی ہے کہ حضرت عائشۃ صدیقہ (رض) فرماتی ہیں میں نے خواب میں اپنے کمرے میں تین چاند دیکھے ۔ میں (اپنے والد) سیدنا حضرت ابوبکر صدیق (رض) کے پاس آئی اور ان سے اس خواب کی تعبیر پوچھی تو آپ نے مجھی سے پوچھا تم نے اس کی کیا تعبیر لی ہے۔ میں نے عرض کیا کہ اس سے مراد اولاد رسول اللہ (صلی اللہ علیہ وآلہ وسلم) ہے۔ سیدنا حضرت ابوبکر صدیق (رض) خاموش ہوگئے حتی کہ جب نبی (صلی اللہ علیہ وآلہ وسلم) وفات پاکر وہاں دفن ہوگئے تو حضرت عائشۃ صدیقہ (رض) ، سیدنا حضرت ابوبکر صدیق (رض) کے پاس آئیں تو سیدنا حضرت ابوبکر صدیق (رض) نے فرمایا : یہ تیرے تین چاندوں میں سے سب سے اچھا چاند تھا جو رخصت ہوگیا ۔ پھر ابوبکر پھر عمر سب کے سب حضرت عائشۃ صدیقہ (رض) کے کمرے میں ہی مدفون ہوئے ۔ (رواہ ابن سعد)