18761 ۔۔۔ حضرت عائشۃ صدیقہ (رض) سے مروی ہے کہ جب حضور اکرم (صلی اللہ علیہ وآلہ وسلم) کی روح قبض ہوگئی تو مسلمانوں کا آپ (صلی اللہ علیہ وآلہ وسلم) کے دفن کرنے میں اختلاف ہوا ، تب سیدنا حضرت ابوبکر صدیق (رض) نے ارشاد فرمایا : میں نے حضور اکرم (صلی اللہ علیہ وآلہ وسلم) سے سنا ہے جس کو میں بھولا نہیں ہوں کہ اللہ نجے کسی نبی کی روح قبض نہیں فرمائی ، مگر اسی جگہ میں جہاں اس نبی کو مدفون ہونا پسند تھا ۔ (پس آپ (صلی اللہ علیہ وآلہ وسلم) کو بھی آپ کے بستر کی جگہ دفنا دو ) ۔ (رواہ الترمذی) کلام : ۔۔۔ امام ترمذی (رح) فرماتے ہیں یہ روایت غریب (ضعیف) ہے۔ اس میں ایک راوی ملی کی ہے جس کو حدیث کے باب میں یادداشت کے حوالہ سے ضعیف قرار دیا جاتا ہے۔ جبکہ اسی روایت کو دوسرے طریق سے ابی یعلی سے روایت کیا ہے اس کے الفاظ یہ ہیں : کسی نبی کی روح اللہ اسی جگہ قبض فرماتے ہیں جو اس کو دوسری جگہوں سے زیادہ محبوب ہوتی ہے۔ پس آپ کو وہاں دفن کر دو جہاں ان کی روح قبض ہوئی ہے۔