18772 ۔۔۔ حضرت انس بن مالک (رض) سے مروی ہے کہ جب رسول اللہ (صلی اللہ علیہ وآلہ وسلم) کی وفات ہوگئی تو لوگ رونے لگے ۔ سیدنا حضرت عمر ابن خطاب (رض) لوگوں کو خطبہ دینے کے لیے کھڑے ہوگئے فرمایا : میں کسی کو یہ بات نہ کہتا ہوا سنوں کہ محمد وفات پا گئے ہیں۔ محمد (صلی اللہ علیہ وآلہ وسلم) کی وفات نہیں ہوئی بلکہ ان کے رب نے ان کو پیغام بھیج کر بلوایا ہے جس طرح موسیٰ بن عمران چالیس دن تک اپنی قوم سے دور رہے تھے ۔ اللہ کی قسم ! میرا خیال ہے میں ایسے لوگوں کے ہاتھ پاؤں کاٹ دوں جو یہ سمجھتے ہیں کہ آپ کی وفات ہوگئی ہے۔ (ابن سعد ، ابن عساکر)