18794 ۔۔۔ عبداللہ بن محمد بن عبداللہ بن عمر بن علی بن ابی طالب اپنے والد سے اور وہ اپنے دادا سے اور وہ سیدنا حضرت علی المرتضی (رض) سے روایت کرتے ہیں کہ جب حضور اکرم (صلی اللہ علیہ وآلہ وسلم) کو چارپائی پر لٹایا گیا تو سیدنا حضرت علی المرتضی (رض) نے ارشاد فرمایا : یہ تمہارے امام ہیں زندگی میں بھی اور مرنے کے بعد بھی (لہذا کوئی آپ کی نماز پڑھانے کی جرات نہیں کرے گا) پس پھر لوگ گروہ گروہ آتے تھے اور صف بہ صف کھڑے ہو کر نماز پڑھتے تھے ۔ ان کا کوئی امام نہ تھا ۔ خود ہی تکبیریں کہتے تھے ۔ سیدنا حضرت علی المرتضی (رض) حضور اکرم (صلی اللہ علیہ وآلہ وسلم) کے روبرو کھڑے تھے اور کہہ رہے تھے : لسلام علیک ایھا النبی و رحمۃ اللہ وبرکاتہ ، اللہم انا نشھد ان قد بلغ ما نزل الیہ ، ونصح لامتہ وجاھد فی سبیل اللہ حتی اعز اللہ دین ، وتمت کلمتہ ، اللہم فاجعلنا ممن یتبع ما انزل الیہ وثبتنا بعدہ واجمع بیننا وبینہ “۔ ے نبی ! آپ پر سلامتی ہو ، اللہ کی رحمت ہو اور اس کی برکتیں ہوں ، اے اللہ ! ہم شہادت دیتے ہیں کہ بیشک آپ (صلی اللہ علیہ وآلہ وسلم) نے حق تبلیغ ادا کردیا ، امت کے لیے پوری خیر خواہی برت لی ۔ اللہ کی راہ میں اس قدر جہاد کیا کہ اللہ نے اپنے دین کو غالب کردیا ، اللہ کا کلمہ مکمل ہوگیا ۔ اے اللہ ! ہمیں ان لوگوں میں سے کر دے جو آپ پر نازل شدہ کی پیروی کرنے والے ہیں اور ہمیں آپ کے بعد ثابت قدمی نصیب فرما ۔ ہمیں آپ کے ساتھ جمع فرما ۔ س طرح سیدنا حضرت علی المرتضی (رض) دعا فرما رہے تھے اور لوگ آمین آمین کہہ رہے تھے ۔ حتی کہ پہلے لوگوں نے نماز پڑھی ، پھر عورتوں نے اور پھر بچوں نے ۔ (رواہ ابن سعد)