18878 ۔۔۔ قیامت کے دن بندوں کے اعمال میں سب سے پہلی چیز جس کا ان سے حساب کتاب لیا جائے گا وہ نماز ہے۔ ہمارے پروردگار عزوجل اپنے ملائکہ سے فرمائیں گے حالانکہ وہ سب سے زیادہ جاننے والے ہیں : دیکھو ! میرے بندے نے نماز پوری کی ہے یا نہیں ؟ اگر پوری کی ہے تو اس کو پورا لکھ دو اور اگر اس میں کچھ کمی ہے تو دیکھو میرے بندے کے پاس نوافل ہیں ؟ اگر اس کے پاس نفل نمازیں ہوں تو اس کے فرضوں کو نفلوں سے پورا کر دو ۔ پھر دوسرے اعمال بھی اسی طرح دیکھو ۔ (مسند احمد ، ابو داؤد ، نسائی ، مستدرک الحاکم عن ابوہریرہ (رض))