19812 ۔۔۔ تجھے سجدہ کیا میرے خیال نے میرے وجود نے ، تجھ پر ایمان لایا میرا دل ، یہ میرا ہاتھ ہے۔ میں نے اس کے ساتھ اپنے نفس پر ظلم نہیں کیا اے عظیم ! ہر عظیم ذات سے امید باندھی جاتی ہے۔ پس میرے گناہ بخش دے اے عظیم ! میرا چہرہ سجدہ ریز ہوا اس ذات کے آگے جس نے اس کو پیدا کیا اس کے کان اور آنکھ کو کھولا ۔ اے پروردگار ! میں تیری رضاء کے ساتھ تیری ناراضگی سے پناہ مانگتا ہوں ۔ تیری معافی کی پناہ مانگتا ہوں تیری سزا سے ، تیری پناہ مانگتا ہوں تجھ سے ، اے پروردگار ! تو ایسا ہے جیسی تو نے اپنی تعریف فرمائی ۔ میں اپنے بھائی داؤد (علیہ السلام) کی طرح کہتا ہوں ۔ میں اپنے چہرے کو اپنے آقا کے لیے مٹی میں ملاتا ہوں ، بیشک میرے آقا کو لائق ہے کہ اس کے لیے سجدہ کیا جائے ، اے اللہ مجھے صاف ستھرا دل دے جو شر سے پاک صاف ہو ، نہ ظلم پر آمادہ ہو اور نہ بدبختی کا مرتکب ہو ۔ (شعب الایمان للبیہقی ، عن عائشۃ (رض))