19872 ۔۔۔ یوں نہ کہو : السلام علی اللہ ، کیونکہ اللہ خود سلام ہے۔ بلکہ یوں کہو ” التحیات للہ والصلوات والطیبات السلام علیک ایھا النبی و رحمۃ اللہ وبرکاتہ السلام علینا وعلی عباد اللہ الصالحین “۔ جب تم نے یہ کہہ لیا تو آسمان و زمین میں موجود ہر نیک بندے کو سلام پہنچ گیا ۔ پھر کہو : ” اشھد ان الا الہ الا اللہ واشھد ان محمدا عبدہ ورسولہ “۔ فائدہ : ۔۔۔ ابن مسعود (رض) فرماتے ہیں : جب ہم نماز پڑھتے تھے تو یوں کہتے تھے : ” السلام علی اللہ من عبادہ ، السلام علی فلاں وفلاں “۔ تب نبی اکرم (صلی اللہ علیہ وآلہ وسلم) نے مذکورہ جواب ارشاد فرمایا مصنف عبدالرزاق میں ہے کہ نبی (صلی اللہ علیہ وآلہ وسلم) نے فرمایا : جب تم نے یہ کہہ لیا تو ہر مقرب (برگزیدہ) نبی مرسل اور ہر نیک بندے کو یہ دعا پہنچ گئی ۔