20007 ۔۔۔ اس شخص کی مثال جو اپنی نماز کو صحیح طرح پوری ادا نہیں کرتا اس حاملہ عورت کی ہے ، جس کے نفاس کا وقت قریب آئے تو اس کا حمل گرجائے ، پس وہ عورت پھر حاملہ رہتی ہے اور نہ اولاد والی ۔ اور نمازی کی مثال اس تاجر کی ہے کہ اس کو نفع خالص نہیں مل سکتا ، جب تک کہ اس کو اصل مال خالص نہ مل جائے ، اسی طرح نمازی کی نفل نماز قبول نہیں ہوتی ، جب تک کہ وہ فرض کو صحیح ادا نہ کرے ۔ (السنن للبیہقی ، الرامھرمزی فی الامثال عن علی (رض)) کلام : ۔۔۔ اس روایت کی سند میں موسیٰ بن عبید ربذی ضعیف ہے۔ مجمع الزوائد 2، 122)