20022 ۔۔۔ آدمی جب اپنی نماز میں ہوتا ہے تو رحمت اس کے سامنے ہوتی ہے لہٰذا کنکریوں کو صاف نہ کرے ۔ (مسند ابی داؤد الطیالسی عن ابی ذر (رض)) فائدہ : ۔۔۔ دور نبوت میں مسجد نبوی (صلی اللہ علیہ وآلہ وسلم) میں فرش یا چٹائی وغیرہ کا تصور نہ تھا بلکہ کنکریوں پر نماز پڑھتے تھے ، سجدہ میں جاتے وقت پیشانی کو کنکریوں کی نوک سے بچانے کے لیے ہاتھ پھیر دیتے تھے ۔ اس سے منع فرمایا گیا ہے۔ زیادہ سے زیادہ ایک مرتبہ ہاتھ پھیرنے کی اجازت ہے۔