20217 ۔۔۔ آدمی کی نماز جماعت کے ساتھ گھر اور بازار میں تنہا نماز سے پچیس درجہ زیادہ فضیلت رکھتی ہے۔ پس جب تم میں سے کوئی وضو کرے اور اچھی طرح وضو کرے ، پھر مسجد میں آئے اور اس کا ارادہ صرف نماز کا ہو ، تو وہ کوئی قدم نہیں اٹھاتا مگر اللہ پاک اس کے ذریعے اس کا ایک درجہ بلند فرما دیتے ہیں۔ ایک برائی مٹا دیتے ہیں حتی کہ وہ مسجد میں داخل ہو، جب وہ مسجد میں داخل ہوگا تو وہ نماز میں شمار ہوگا جب تک نماز (کا انتظار) اس کو (نماز کی جگہ مسجد میں) روکے رکھے ۔ اور ملائکہ اس پر دعائے رحمت بھیجتے رہیں گے : ” اللہم اغفرلہ اللہم ا (رح) تب علیہ “۔ ے اللہ ! اس کی مغفرت فرما ، اے اللہ ! اس پر رحم فرما ، اے اللہ ! اس کی توبہ قبول فرما ۔ جب تک کہ وہ کسی کو ایذاء نہ دے یا بےوضو نہ ہوجائے ۔ (مسند احمد ، البخاری ، مسلم ، ابو داؤد ، ابن ماجۃ عن ابوہریرہ (رض))