20310 ۔۔۔ بندہ جب کلی کرتا ہے تو اس کی ہر وہ خطا جو اس نے بولی ، پانی کے ساتھ اس کے منہ سے نکل جاتی ہے ، جب وہ چہرہ دھوتا ہے تو اس کے چہرے کی ہر خطاء اس کے منہ سے ٹپکنے والے پانی کے ساتھ نکل جاتی ہے ، جب وہ ہاتھوں کو دھوتا ہے تو اس کے (ہاتھوں کی) خطائیں اس پانی کے ساتھ نکل جاتی ہیں جو اس کے ہاتھوں سے ٹپکتا ہے اور جب وہ پاؤں دھوتا ہے تو اس کے (پاؤں کی) خطائیں اس کے پاؤں سے گرنے والے پانی کے ساتھ خارج ہوجاتی ہیں اور جب وہ اپنے گھر سے مسجد کی طرف نکلتا ہے تو ہر قدم کے بدلے اس کی ایک برائی مٹا دی جاتی ہے اور ایک نیکی کا اضافہ کردیا جاتا ہے حتی کہ وہ مسجد میں داخل ہوجاتا ہے۔ (الجامع لعبد الرزاق عن ابوہریرہ (رض))