20316 ۔۔۔ جس شخص نے وضو کیا پھر مسجد کی طرف چلا تاکہ وہاں نماز پڑھے تو اس کو ہر قدم کے عوض ایک نیکی ملے گی اور ایک برائی مٹائی جائے گی اور ایک نیکی دس گنا ہوگی ، پھر جب وہ نماز پڑھ کر چلوع شمس کے بعد لوٹے گا تو اس کو اس کے جسم کے ہر بال کے عوض ایک نیکی ملے گی اور ایک حج مبرور (گناہوں سے پاک حج) کا ثواب لے کر لوٹے گا جبکہ ہر حاجی کا حج حج مبرور نہیں ہوتا ، لیکن اگر وہ بیٹھا رہے حتی کہ نفل نماز پڑھے تو ہر رکعت کے بدلے اس کو دس لاکھ نیکیاں ملیں گی ، اور جو بھی اس طرح فجر کی نماز پڑھے گا اس کو اسی طرح ثواب ملے گا اور وہ عمرہ مبرور کا ثواب لے کر لوٹے گا جبکہ ہر عمرہ کرنے والے کا عمرہ عمرہ مبرورہ نہیں ہوتا ۔ مابن عساکر عن محمد بن شعیب بن شابور عن سعید بن خالد بن ابی طویل عن انس (رض)) کلام :۔۔۔ سعید کے بارے میں ابو حاتم (رح) فرماتے ہیں : یہ منکر الحدیث ہے اس کی حدیث اہل صدق کی حدیث معلوم نہیں ہوتی ، نیز حضرت انس (رض) سے مروی ان کی احادیث معروف نہیں ہیں۔ ابوزرعۃ (رح) فرماتے ہیں : سعد نے حضرت انس (رض) کی نسبت سے بہت سی مناکیر (غلط) روایات نقل کی ہیں۔ نیز فرمایا کہ ایسی احادیث روایت کی ہیں جن کی مثل کوئی اور روایت کسی سے منقول نہیں ۔ جبکہ اس روایت میں دوسرا راوی محمد بن شعیب تو الشی کسی بھروسے کا آدمی نہیں ۔