2047 ۔۔۔ کیا میں تم کو حضرت نوح (علیہ السلام) کی، حالت مرگ میں کی ہوئی اپنے بیٹے کو وصیت نہ سناؤں ؟ انھوں نے فرمایا میں تجھے چار کلمات دیے جا رہا ہوں۔ آسمان و زمین کا قیام انہی کے مدار پر ہے۔ اللہ کے ہاں پہنچنے والے کلمات میں سب سے اول ہیں۔ اور نکلنے والے کلمات میں سے بھی سب سے آخر میں ہیں۔ اگر تمام بنی آدم کے اعمال ان کے ساتھ وزن کیے جائیں تو یہ کلمات ان سے زیادہ وزن دار ہوں گے۔ سو ان پر عمل کر۔ اور ان کو مضبوطی سے تھام لے۔ حتی کہ تو مجھ سے آ ملے وہ کلمات یہ ہیں
سبحان اللہ والحمد للہ ولا الہ الا اللہ واللہ اکبر۔
قسم ہے اس ذات والا صفات کی، جس کے ہاتھ میں نوح کی جان ہے ! اگر آسمان و زمین اور جو کچھ ان کے من میں ہے اور جو ان کے نیچے ہے سب کا ان کلمات کے ساتھ وزن کیا جائے تو یہ کلمات ان سے وزن دار نکلیں گے۔ (الحکیم، الدیلمی بروایت معاذ بن انس (رض))