20477 ۔۔۔ جب تم نماز پڑھو تو پہلے اپنی صفوں کو سیدھا کرو پھر تم میں سے ایک فرد تمہاری امامت کرے ، جب وہ تکبیر کہے تم تکبیر کہو ، جب وہ قرات کرے تم خاموش رہو ، جب وہ ” غیر المغضوب علیھم ولا الضالین “۔ کہے تو تم آمین کہو ۔ اللہ پاک تمہاری دعا قبول کرے گا جب امام تکبیر کہے اور رکوع کرے تم بھی تکبیر کہو اور رکوع کرو ، بیشک امام تم سے پہلے رکوع کرتا ہے اور تم سے پہلے سر اٹھاتا ہے تم بھی پیچھے پیچھے رہو۔ جب امام ” سمع اللہ لمن حمدہ “۔ کہے تو تم ” اللہم ربنا ولک الحمد “۔ کہو اللہ پاک تمہارے کلام کو سنے گا ۔ جب وہ تکبیر کہے اور سجدہ کرے تو تم تکبیر کہو اور سجدہ کرو ۔ بیشک امام تم سے پہلے سجدہ کرتا ہے اور تم سے پہلے سر اٹھاتا ہے تم بھی اسی طرح اس کے پیچھے پیچھے رہو ۔ جب امام قعدہ کرے تو تم میں سے ہر شخص پہلے یہ کلمات پڑھے : ” التحیات والطیبات والصلوات للہ السلام علیک ایھا النبی و رحمۃ اللہ وبرکاتہ السلام علینا وعلی عباد اللہ الصالحین اشھد ان الا الہ الا اللہ واشھد ان محمدا عبدہ ورسولہ “۔ ممسند احمد ، مسلم ، ابو داؤد ، النسائی ، ابن ماجۃ عن ابی موسیٰ (رض))