2050 ۔۔ سبحان اللہ نصف میزان ہے۔ الحمد للہ اس کو بھر دیتا ہے۔ لا الہ الا اللہ آسمان و زمین کے درمیانی خلا کو پر کردیتا ہے۔ طہارت نصف ایمان ہے۔ نماز نور ہے۔ زکوۃ برہان ہے۔ صبر روشنی ہے۔ قرآن حجت ہے تیرے حق میں یا تیرے خلاف۔ ہر انسان صبح کو نکلتا ہے اور اپنی جان فروخت کر آتا ہے۔ یا تو اس کو جہنم سے آزاد کرانے والا ہوتا ہے یا شیطان کے ہاتھوں فروخت کرکے اس کو قعر ہلاکت میں دھکیل دیتا ہے۔ عبدالرزاق بروایت ابی سلمۃ بن عبدالرحمن۔