20952 ۔۔۔ ان شاء اللہ یہ خواب سچا ہوگا ۔ تم بلال کے ساتھ کھڑے ہوجاؤ اور جو تم نے دیکھا ہے بلال کو کہتے جاؤ اور وہ ان کلمات کو بطور اذان بلند کریں گے کیونکہ وہ تم سے زیادہ بلند آواز والے ہیں (مسند احمد ابن حبان عن عبداللہ بن زید بن عبد ربہ ) فائدہ :ـــ۔۔۔ عبداللہ بن زید (رض) چونکہ نماز کے لیے زیادہ فکر مند تھے کہ کس طرح لوگوں کو نماز کے لیے بلایا جائے حضور (صلی اللہ علیہ وآلہ وسلم) کے مشورے کے بعد کسی نے ناقوس اور کسی نے بگل بجانے کا مشورہ دیا تھا اور کسی نے آگ جلانے کی بھی رائے دی تھی ۔ انہی دنوں میں عبداللہ بن زید (رض) نے خواب میں ایک فرشتے کو موجودہ اذان دیتے دیکھا انھوں نے یہ خواب حضور (صلی اللہ علیہ وآلہ وسلم) کو ذکر کیا ۔ تب آپ (صلی اللہ علیہ وآلہ وسلم) نے مذکورہ فرمان ارشاد فرمایا ۔