20972 ۔۔۔ یوں کہا کر : للہ اکبر اللہ اکبر اللہ اکبر اللہ اکبر اشھد ان لا الہ الا اللہ اشھد ان لا الہ الا اللہ اشھد ان محمدا رسول اللہ اشھد ان محمدا رسول اللہ ان چاروں کلمات کو قدرے پست آواز میں کہہ کر پھر بلند آواز میں ان دوبارہ کہہ : شھد ان لا الہ الا اللہ اشھد ان لا الہ الا اللہ اشھد ان محمدا رسول اللہ اشھد ان محمدا رسول اللہ حی علی الصلوۃ حی علی الصلوۃ حی علی الفلاح حی علی الفلاح صبح کی اذان ہو تو یہ بھی کہہ : لصلوۃ خیر من النوم الصلوۃ خیر من النوم اللہ اکبر اللہ اکبر لا الہ الا اللہ : (ابن حبان عن محمد بن عبدالمالک بن ابی محذورۃ (رض) ، عن ابی عن جدہ) فائدہ : ۔۔۔ ابو محذورہ (رض) نے عرض کیا یا رسول اللہ ! مجھے اذان کا طریقہ سکھا دیجئے تب آپ (صلی اللہ علیہ وآلہ وسلم) نے یہ ارشاد فرمایا ۔ یک مرتبہ حضرت ابو محذورہ (رض) جبکہ ابھی مسلمان نہ ہوئے تھے اور بچے تھے ، بچوں کو اذان کی نقل کرکے سنا رہے تھے ۔ اور شہادتین کے وقت آواز پست کی ہوئی تھی ۔ آپ (صلی اللہ علیہ وآلہ وسلم) نے ان کو دیکھ لیا ، سر پر شفقت بھر ہاتھ پھیرا جس کے نتیجے میں انھوں نے بھی محبت نبوی میں وہ بال کبھی زندگی بھر نہ کٹوائے ۔ پھر انھوں نے مسلمان ہونے کے بعد ایک مرتبہ اذان کا طریقہ پوچھا تو آپ نے ان کا بطور خاص لحاظ کرتے ہوئے اسی طرح اذان بتائی جس طرح انھوں نے پہلے پہل بچوں کو سنائی تھی اور حضور اکرم (صلی اللہ علیہ وآلہ وسلم) نے شہادتین کو بلند آواز سے کہلوایا تھا جب کہ انھوں نے خود شہادتین کو پست آواز میں کہا تھا ۔ اس طرح اذان کے کلمات انیس ہوگئے ۔ ورنہ عام طور پر اذان پندرہ کلمات ہی میں پڑھی جاتی تھی اور شہادتین کو بھی عام کلمات کی طرح بلند آواز میں کہا جاتا تھا ۔