21061 ۔۔۔ جمعہ کا دن دنوں کا سردار اور اللہ کے ہاں سب دنوں سے زیادہ عظمت والا ہے ، اور یہ دن اللہ کے ہاں عید الاضحٰی اور عید الفطر کے دنوں سے زیادہ عظیم ہے۔ اس میں پانچ خصوصیات ہیں ، اسی میں اللہ تبارک وتعالیٰ نے آدم (علیہ السلام) کو پیدا کیا ، اسی دن اللہ تبارک وتعالیٰ نے آدم (علیہ السلام) کو زمین پر اتارا ، اسی دن اللہ پاک نے آدم (علیہ السلام) کو وفات دی ، اس دن میں ایک گھڑی ایسی ہے کہ کوئی بندہ اللہ پاک سے کسی چیز کا سوال نہیں کرتا مگر اللہ پاک اس کو وہ شے عطا کردیتے ہیں جب تک کہ وہ کسی حرام شے کا سوال نہ کرے ۔ اسی دن قیامت قائم ہوگی ، کوئی مقرب فرشتہ یا آسمان یا زمین یا ہوا یا پہاڑ یا سمندر ایسا نہیں ہے جو جمعہ کے دن قیامت قائم ہونے سے نہ ڈرتا ہو۔ (مسند احمد ، ابن ماجۃ عن ابی لبابۃ بن عبدالمنذر)