21076 ۔۔۔ جمعہ کے دن میں پانچ خصلتیں یا خصوصیات ہیں۔ اسی دن آدم (علیہ السلام) پیدا ہوئے ، اسی دن آدم (علیہ السلام) زمین پر اترے ، اس دن میں ایک ایسی گھڑی ہے کوئی بندہ اللہ سے کسی چیز کا سوال نہیں کرتا مگر اللہ پاک اس کو عطا کرتے ہیں جب تک وہ گناہ یا قطع رحمی کا سوال نہ کرے ، اسی دن قیامت قائم ہوگی اور کوئی مقرب فرشتہ ، آسمان ، زمین ، ہوا ، پہاڑ اور سمندر ایسا نہیں ہے جو جمعہ کے دن قیامت قائم ہونے سے نہ ڈرتا ہو۔ (شعب الایمان للبیہقی ، عن سعد بن عبادۃ)