21154 ۔۔۔ کوئی شخص اپنا بکریوں کا گلہ بستی کے کنارے لے جاتا ہے وہیں رہتا بستا ہے اور نماز میں آکر حاضر ہوجاتا ہے اور اپنے اہل و عیال کے پاس بھی آتا جاتا ہے حتی کہ جب وہ اپنے اردگرد کے گھاس پھونس کو چروا لیتا ہے تو اس پر اس زمین میں رہنا مشکل ہوجاتا ہے ، تب وہ کہتا ہے اگر میں مزید اوپری جانب جہاں اس سے زیادہ گھاس ہے چلا جاؤں تو بہتر ہے چنانچہ وہ اپنی جگہ تبدیل کرلیتا ہے اور وہاں جا کر وہ نمازوں میں آنا چھوڑ دیتا ہے ، صرف جمعوں میں حاضری دیتا ہے حتی کہ جب اس کی بکریاں وہاں کی چراگاہ کو بھی کھا لیتی ہیں اور وہ زمین ان کے چارے پانی کے لیے مشکل ہوجاتی ہے تو وہ پھر کہتا ہے اگر میں مزید اوپری جانب چلا جاؤں جہاں اس سے زیادہ گھاس ہے تو اچھا ہوگا چنانچہ وہ اس جگہ کو چھوڑ کر مزید آگے چلا جاتا ہے حتی کہ وہاں وہ پانچ نمازوں میں سے کسی نماز میں حاضر ہوتا ہے اور نہ اس کو جمعہ کا علم رہتا ہے کہ جمعہ کیا ہے پھر اللہ پاک اس کے دل پر مہر کردیتے ہیں۔ (الحسن بن سفیان ، الغوی ، ابن قانع ، الکبیر للطبرانی ، ابو نعیم ، السنن للبیہقی عن حارثۃ بن النعمان)