21455 ۔۔۔ جس نے کسی رات میں دس آیات تلاوت کی وہ (تہجد کے) نمازیوں میں شمار ہوگا اور اس کو غافلین میں نہیں لکھا جائے گا ، جس نے پچاس آیات پڑھ لیں اس کو حافظین میں لکھا جائے گا ، جس نے سو آیات پڑھ لیں اس کو قانتین میں لکھا جائے گا ، اور جس نے تین سو آیات پڑھ لیں اس رات قرآن اس سے نہ جھگڑے گا ، اور پروردگار اسی کے متعلق فرمائے گا ، میرا بندہ میرے لیے تھک گیا ، اور جس نے ایک ہزار آیات پڑھ لی اس کو ایک قنطار (بہت بڑا ڈھیر) اجر کا نصیب ہوگا ، جس میں صرف ایک قیراط بھی دنیا ومافیہا سے بہتر ہے ، اور جب قیامت کا دن ہوگا اس کو کہا جائے گا پڑھتا جا اور چڑھتا جا ، وہ جب بھی ایک آیت پڑھے گا ایک درجہ اوپر چڑھ جائے گا حتی کہ وہ اپنے کو یاد سارا قرآن پڑھ لے ۔ پھر پروردگار عزوجل اس کو ارشاد فرمائیں گے ، اپنے دائیں ہاتھ میں خلد (ہمیشہ جنت میں رہنا) پکڑ لے اور بائیں ہاتھ میں نعیم (جنت کی نعمتیں) تھام لے ۔ (محمد بن نصر ، شعب الایمان للبیہقی وابن عساکر عن فضالۃ بن عبید وتمیم الداری معا)