21556 ۔۔۔ مجھ پر جنت پیش کی گئی حتی کہ اگر میں ہاتھ بڑھاتا تو اس کے پھل حاصل کرلیتا اور مجھ پر جہنم پیش کی گئی حتی کہ میں اس پر پھونک مار رہا تھا تاکہ اس کی گرمی تم کو نہ جھلسا دے ۔ میں نے جہنم میں رسول اللہ (صلی اللہ علیہ وآلہ وسلم) کے اونٹ کے چور کو دیکھا ، نیز بستی وعدع کا ایک شخص جہنم میں دیکھا ایک سلائی کی چوری کی وجہ سے جہنم میں تھا ، جب اس کو پکڑا جاتا تھا تو وہ کہتا تھا یہ ڈنڈے کا کام ہے۔ (اس میں اٹک گئی ہے) نیز میں نے جہنم میں ایک لمبی حبشی عورت کو دیکھا جس نے ایک بلی کو باندھا تھا مگر اس کو کھلایا پلایا اور نہ ہی اس کو چھوڑا کہ وہ خود گھوم پھر کر زمین کا گھاس کھا لیتی حتی کہ وہ مرگئی ۔ بیشک یہ شمس وقمر کسی کی موت یا زندگی کی وجہ سے گرہن نہیں ہوتے ، بلکہ یہ اللہ کی دونشانیاں ہیں ، پس ان میں سے جب بھی کوئی گرہن ہوجائے تو اللہ عزوجل کے ذکر کی طرف دوڑو ۔ (النسائی عن ابن عمرو (رض))