21623 ۔۔۔ حمران کہتے ہیں میں سیدنا حضرت عثمان ذوالنورین (رض) کے وضو کے لیے پانی رکھتا تھا چنانچہ ایسا دن کوئی نہیں آیا جس میں پانی کا قطرہ نہ بہایا ہو ۔ سیدنا حضرت عثمان ذوالنورین (رض) فرماتے ہیں : ہم رسول اللہ (صلی اللہ علیہ وآلہ وسلم) کے ساتھ نماز سے واپس لوٹ رہے تھے (مسعر کہتے ہیں عصر کی نماز تھی) آپ (صلی اللہ علیہ وآلہ وسلم) نے ارشاد فرمایا : میں نہیں سمجھتا کہ تمہیں کچھ بتاؤں یا خاموش رہوں ؟ ہم نے عرض کیا یا رسول اللہ (صلی اللہ علیہ وآلہ وسلم) ! اگر کوئی بھلائی کی بات ہے تو ہمیں ضرور بتا دیجئے ۔ بصورت دیگر اللہ اور اس کا رسول بہتر سمجھتے ہیں۔ چنانچہ آپ (صلی اللہ علیہ وآلہ وسلم) نے ارشاد فرمایا جس مسلمان نے بھی حکم خداوندی کے مطابق طہارت کا اہتمام کیا اور پھر پنجگانہ نماز ادا کی تو پانچوں نمازیں درمیانی اوقات میں صادر ہونے والے گناہوں کے لیے کفارہ بن جائیں گی ۔ (مسلم نسائی ابن ماجہ وابن حبان)