21628 ۔۔۔ حضرت جابر بن سمرہ (رض) کی روایت ہے کہ ایک نوجوان حضور اکرم (صلی اللہ علیہ وآلہ وسلم) کی خدمت میں رہا کرتا تھا اور اپنی حوائج کو پوشیدہ رکھتا ۔ ایک مرتبہ آپ (صلی اللہ علیہ وآلہ وسلم) نے فرمایا کیا تم مجھ سے کسی حاجت کا سوال کرتے ہو ؟ نوجوان نے عرض کیا اللہ تبارک وتعالیٰ سے میرے لیے جنت کی دعا فرما دیں آپ (صلی اللہ علیہ وآلہ وسلم) نے اپنا سر مبارک اوپر اٹھایا اور پھر فرمایا : جی ہاں لیکن نماز کا کثرت سے اہتمام کرو ۔ (مسلم ، الطبرانی فی الکبیر)