21645 ۔۔۔ حضرت عبداللہ بن مسعود (رض) فرماتے ہیں جو شخص چاہتا ہو کہ قیامت کے اللہ تبارک وتعالیٰ کی بارگاہ میں مسلمان بن کر حاضر ہو وہ ان نمازوں کو ایسی جگہ ادا کرنے کا اہتام کرے جہاں اذان ہوتی ہو (یعنی مسجد میں) چونکہ اللہ تبارک وتعالیٰ نے تمہارے نبی (صلی اللہ علیہ وآلہ وسلم) کے لیے ایسی سنتیں جاری کی ہیں جو سراسر ہدایت ہیں انھیں میں سے یہ جماعت کی نماز بھی ہے اگر تم اپنے گھروں میں نماز پڑھنے لگو گے جیسا کہ فلاں شخص پڑھتا ہے تو تم نبی کریم (صلی اللہ علیہ وآلہ وسلم) کی سنت کو چھوڑنے والے ہو کے سمجھ لو اگر تم نبی کریم (صلی اللہ علیہ وآلہ وسلم) کی سنت کو چھوڑنے والے ہوگئے تو گمراہ ہوجاؤ گے اور جو شخص اچھی طرح سے وضو کرے اس کے بعد مسجد کی طرف جائے تو ہر ہر قدم پر ایک ایک نیکی لکھی جائے گی اور ایک ایک درجہ بلند ہوتا جائے گا اور ایک ایک خطا معاف ہوگی ہم تو اپنا حال دیکھتے تھے کہ جو شخص کھلم کھلا منافق ہو وہ تو جماعت سے رہ جاتا تھا اور نہ تو حضور (صلی اللہ علیہ وآلہ وسلم) کے زمانہ میں عام منافقوں کو بھی جماعت چھوڑنے کی ہمت نہ ہوتی تھی یا کوئی سخت بیمار ہو ورنہ جو شخص دو آدمیوں کے درمیان گھسٹتا ہوا جاسکتا تھان وہ بھی صف کے درمیان کھڑا کردیا جاتا تھا (عبدالرزاق والترغیب الدرالمنثور) فائدہ :۔۔۔ سنت کی دو قسمیں ہیں اول سنت ھدی جس کے ترک پر عتاب ہو جیسے جماعت اذان وغیرہ اور دوم سنت زائد جس کے ترک پر متاب نہ ہو جیسے لباس اور طعام وغیرہ ۔