21655 ۔۔۔ (مسند عمارہ بن اوس) عمارہ بن اوس (رض) فرماتے ہیں ہم بیت المقدس کی طرف منہ کر کے نماز پڑھ رہے تھے اچانک ایک آدمی آیا اور ہم حالت رکوع میں تھے وہ آدمی بولا رسول (صلی اللہ علیہ وآلہ وسلم) پر قرآن نازل ہوا ہے اور انھیں کعبہ کی طرف رخ کرنے کا حکم دیا گیا ہے لہٰذا تم بھی کعبہ کی طرف رخ کرلو چنانچہ ہمارا امام بحالت رکوع کعبہ کی طرف مڑ گیا اور مقتدیوں نے بھی کعبہ کی طرف منہ پھیرلیا چنانچہ ہم نے یہ نماز آدھی بیت المقدس کی طرف منہ کر کے پڑھی اور آدھی کعبہ اللہ کی طرف ۔ (رواہ ابن ابی شیبہ)