21696 ۔۔۔ سعید بن ابو ہلال کی روایت ہے کہ محمد بن ابو جہم (رض) کہتے ہیں کہ رسول اللہ (صلی اللہ علیہ وآلہ وسلم) نے انھیں جانور چرانے یا کسی اور کام کے لیے مزدوری پر رکھا تھا ، چنانچہ آپ (صلی اللہ علیہ وآلہ وسلم) کے پاس ایک آدمی آیا اور اس نے اعضاء ستر کو ننگا کر رکھا تھا اور اسے اس کی پروا بھی نہیں تھی ، رسول اللہ (صلی اللہ علیہ وآلہ وسلم) نے اسے ننگا دیکھ کر فرمایا جو آدمی ظاہراً اللہ تبارک وتعالیٰ سے حیا نہیں کرتا وہ باطنا کیا حیاء کرے گا اس آدمی کو اس کا حق دے کر رخصت کر دو ۔ (رواہ ابو نعیم) کلام : ۔۔۔ ابو نعیم کہتے ہیں کہ محمد بن ابی جہم کو ابن محمد بن عثمان ابن ابی شیبہ نے غرباء صحابہ کرام رضوان اللہ تعالیٰ عنہم اجمعین میں ذکر کیا ہے حالانکہ وہ میرے نزدیک صحابی نہیں ہیں۔