21704 ۔۔۔ معاویہ بن ابو سفیان (رض) کی روایت ہے کہ ایک مرتبہ میں ام حبیبہ (رض) کے پاس گیا ، دیکھتا ہوں کہ ایک طرف رسول اللہ (صلی اللہ علیہ وآلہ وسلم) ایک چادر لپیٹے ہوئے نماز پڑھ رہے ہیں چادر کی اطراف کو دائیں بائیں ڈال رکھا ہے اور آپ (صلی اللہ علیہ وآلہ وسلم) کے سر مبارک سے پانی کے قطرے ٹپک رہے ہیں میں نے کہا : اے ام حبیبہ ! کیا نبی کریم (صلی اللہ علیہ وآلہ وسلم) ایک ہی کپڑے میں نماز پڑھ لیتے ہیں ؟ انھوں نے کہا : جی ہاں اور آپ (صلی اللہ علیہ وآلہ وسلم) اسی کپڑے میں ہمبستری بھی کرچکے ہیں۔ (الضیاء المقدسی فی مختارہ)