21724 ۔۔۔ ابو عالیہ ریاحی کی روایت ہے کہ سیدنا حضرت عمر ابن خطاب (رض) نے حضرت ابو موسیٰ اشعری (رض) کو خط لکھا کہ جب سورج زائل ہوجائے تو اس وقت ظہر کی نماز پڑھو عصر کی نماز اس وقت پڑھو جب سورج غروب کی طرف مائل ہوجائے اور ابھی صاف اور واضح ہو ۔ جب سورج غروب ہوجائے مغرب پڑھ لو اور جب شفق غروب ہوجائے عشاء پڑھو ۔ کہا جاتا ہے کہ آدھی رات تک درک ہے اور اس کے بعد تفریط ہے صبح کی نماز پڑھو جب کہ ستارے واضح ہوں اور آسمان پر جال پھیلائے ہوں اور فجر میں قرات طویل کرو جان لو کہ دو نمازوں کو بلاعذر جمع کرکے پڑھنا کبیر گناہ ہے۔ (عبدالرزاق ابن ابی شیبہ) یہ صحیح حدیث ہے۔