21732 ۔۔۔ حضرت عبداللہ ابن عباس (رض) کی روایت ہے کہ ایک مرتبہ جبرائیل امین رسول اللہ (صلی اللہ علیہ وآلہ وسلم) کے پاس تشریف لائے سورج زائل ہوچکا تھا جبرائیل امین بولے کھڑے ہو اور ظہر کی نماز پڑھیے چنانچہ آپ (صلی اللہ علیہ وآلہ وسلم) نے نماز پڑھی پھر جبرائیل آئے اور سایہ ایک مثل ہوچکا تھا آپ (صلی اللہ علیہ وآلہ وسلم) سے کہا : کھڑے ہو اور نماز پڑھیے ۔ آپ (صلی اللہ علیہ وآلہ وسلم) نے مغرب کی نماز پڑھی پھر شفق غروب ہونے پر آئے اور کہا نماز پڑھیے آپ (صلی اللہ علیہ وآلہ وسلم) نے عشاء کی نماز پڑھی ۔ جبرائیل (علیہ السلام) پھر طلوع فجر کے وقت آئے اور کہا نماز پڑھیے آپ (صلی اللہ علیہ وآلہ وسلم) نے فجر کی نماز پڑھی جبرائیل (علیہ السلام) پھر دوسرے دن تشریف لائے اور اس وقت ہر چیز کا سایہ ایک مثل ہوچکا تھا ، کہا نماز پڑھیے آپ (صلی اللہ علیہ وآلہ وسلم) نے ظہر کی نماز پڑھی ، جبرائیل (علیہ السلام) پھر آئے جب کہ سایہ ہر چیز کا دو مثل ہوچکا تھا آپ (صلی اللہ علیہ وآلہ وسلم) سے کہا : نماز پڑھیے ، چنانچہ آپ (صلی اللہ علیہ وآلہ وسلم) نے عصر کی نماز پڑھی جبرائیل (علیہ السلام) پھر آئے جب کہ سورج غروب ہوچکا تھا اور رات داخل ہوچکی تھی کہ نماز پڑھیے ۔ آپ (صلی اللہ علیہ وآلہ وسلم) نے مغرب کی نماز پڑھی پھر جبرائیل (علیہ السلام) آئے جب کہ تہائی رات گزر چکی تھی ، کہا : نماز پڑھیے چنانچہ آپ (صلی اللہ علیہ وآلہ وسلم) نے عشاء کی نماز پڑھی ، جبرائیل (علیہ السلام) پھر آئے جب کہ صبح کی سفیدی اچھی طرح پھیل چکی تھی ، کہا : نماز پڑھیے آپ (صلی اللہ علیہ وآلہ وسلم) نے فجر کی نماز پڑھی پھر آپ (صلی اللہ علیہ وآلہ وسلم) سے کہا یہ آپ سے پہلے تمام انبیاء کی نماز ہے پس اسی کا التزام کیجئے ۔ (رواہ عبدالرزاق)