21787 ۔۔۔ حضرت رافع بن خدیج (رض) کی روایت ہے کہ ہم رسول اللہ (صلی اللہ علیہ وآلہ وسلم) کے ساتھ عصر کی نماز پڑھتے پھر ہم اونٹ ذبح کرتے پھر دس حصوں میں تقسیم کرتے اور پکا کر کھالیتے ہم یہ سارے کام مغرب کی نماز پڑھنے سے پہلے کرلیتے تھے ۔ (رواہ ابن ابی شیبہ) فائدہ : ۔۔۔ صحابہ کرام رضوان اللہ تعالیٰ عنہم اجمعین یہ سارے کام ڈیڑھ دو گھنٹوں میں انجام دے دیتے تھے اور عصر کے بعد کا وقت تقریبا اتنا ہی ہوتا ہے اونٹ ذبح کرنا اور پھر اس کے تکے بنانا صحابہ کرام رضوان اللہ تعالیٰ عنہم اجمعین کے لیے دو گھنٹے کا کام ہوتا تھا ۔