21811 ۔۔۔ فارسیوں کے آزاد کردہ غلام سائب زید بن خالد جہنمی سے روایت کرتے ہیں کہ خلیفہ سیدنا حضرت عمر ابن خطاب (رض) نے ان کو عصر کے بعد پڑھتے ہوئے دیکھا چنانچہ آپ (رض) چل کر زید (رض) کے پاس آئے اور انھیں درہ کے ساتھ مارا۔ لیکن وہ برابر نماز پڑھتے رہے چنانچہ نماز سے فارغ ہوئے تو کہا اے عمر آپ مجھے مار رہے ہیں بخدا میں اس نماز کو نہیں چھوڑوں گا چونکہ میں نے رسول اللہ (صلی اللہ علیہ وآلہ وسلم) کو یہ نماز پڑھتے ہوئے دیکھا ہے۔ اس پر سیدنا حضرت عمر ابن خطاب (رض) نے فرمایا : اے زید بن خالد ! اگر مجھے خوف نہ ہوتا کہ لوگ ان دو رکعتوں کو رات تک نماز کے لیے سیڑھی بنالیں گے تو میں نہ مارتا ۔ (رواہ عبدالرزاق)