21821 ۔۔۔ حضرت انس بن مالک (رض) سے روایت ہے کہ ہم رسول اللہ (صلی اللہ علیہ وآلہ وسلم) کی مسجد میں مغرب کی نماز پڑھتے اور پھر قبیلہ بنو سلمہ میں واپس آتے حتی کہ ہم تیروں کے نشانات کو دیکھ سکتے تھے ۔ (رواہ ابن ابی شیبہ) مغرب کی نماز میں جلدی کرنا : فائدہ : ۔۔۔ حدیث کا مطلب یہ ہے کہ آپ (صلی اللہ علیہ وآلہ وسلم) اور صحابہ کرام رضوان اللہ تعالیٰ عنہم اجمعین مغروب کی نماز جلدی پڑھ لیتے تھے اور جب گھروں کو واپس جاتے تو اچھی خاصی روشنی ہوتی تھی ۔