21838 ۔۔۔ محمد بن عمار بن محمد بن عمار بن یاسر (رض) اپنے والد سے روایت کرتے ہیں کہ میں نے اپنے والد عمار بن یاسر (رض) کو مغرب کے بعد چھ رکعات پڑھتے ہوئے دیکھا ہے میں نے عرض کیا : اے اباجان ! یہ کون سی نماز ہے ؟ انھوں نے جواب دیا میں نے اپنے محبوب (صلی اللہ علیہ وآلہ وسلم) کو مغرب کے بعد چھ رکعات پڑھتے ہوئے دیکھا ہے اور پھر آپ (صلی اللہ علیہ وآلہ وسلم) نے فرمایا جس نے مغرب کے بعد چھ رکعات پڑھیں اس کے تمام گناہ معاف کردیئے جائیں گے اگرچہ وہ سمندر کے جھاگ کے برابر کیوں نہ ہوں ۔ (ابن مندہ وابن عساکر) کلام : ۔۔۔ ابن مندہ کہتے ہیں کہ حدیث بالا مذکورہ سند کے ساتھ غریب ہے اور اس کی معروف سند یہی ہے اور صالح بن قطن متفرد ہیں جب کہ ھیثمی مجموعہ الزوائد ھیثمی 2302 میں کہتے ہیں کہ صالح بن قطن کے ترجمہ میں میں نے یہ حدیث نہیں پائی ، البتہ اس حدیث کو طبرانی نے روایت کیا ہے۔