21846 ۔۔۔ حضرت عبداللہ ابن عباس (رض) کی روایت ہے کہ ایک مرتبہ رسول کریم (صلی اللہ علیہ وآلہ وسلم) نے عشاء کی نماز مؤخر کی ۔ حتی کہ ہم سو گئے پھر اٹھے اور پھر سو گئے پھر آپ (صلی اللہ علیہ وآلہ وسلم) ہمارے پاس تشریف لائے اور آپ کے سر مبارک سے پانی کے قطرے ٹپک رہے تھے آپ نے آسمان کی طرف دیکھا ۔ لگ بھگ آدھی رات گزر چکی تھی پھر آپ (صلی اللہ علیہ وآلہ وسلم) نے ارشاد فرمایا ! اگر مجھے اپنی امت پر مشقت کا خوف نہ ہوتا تو میں اس نماز کا وقت یہی قرار دیتا ۔ (عبدالرزاق ، رواہ ابن ابی شیبہ، وابن جریر)