21861 ۔۔۔ حضرت عبداللہ ابن عمرو (رض) کی روایت ہے کہ ایک مرتبہ ہم عشاء کی نماز کے لیے آپ (صلی اللہ علیہ وآلہ وسلم) کی انتظار میں بیٹھے تھے حتی کہ تہائی رات گزر چکی پھر آپ (صلی اللہ علیہ وآلہ وسلم) ہمارے پاس تشریف لائے مجھے معلوم نہیں کہ آپ (صلی اللہ علیہ وآلہ وسلم) کو کس چیز نے مشغول کرلیا تھا یا پھر اہل خانہ میں کوئی حاجت تھی ؟ جب باہر تشریف لائے فرمایا : میں نہیں جانتا کہ تمہارے سواء اہل دین میں سے کوئی اور اس نماز کے انتظار میں ہو اگر مجھے اپنی امت پر مشقت کا خوف نہ ہوتا تو میں اس نماز کو اسی وقت میں پڑھتا پھر آپ (صلی اللہ علیہ وآلہ وسلم) نے موذن کو حکم دیا اور اقامت کہی ۔ (ابن ابی شیبہ وابن جریر)